191. F'Lejl sħun idellek u stejjer oħra

ANTOLOĠIJA TA’ NOVELLI TA’ J.J.CAMILLERI

F’LEJL SĦUN IDELLEK U STEJJER OĦRA huwa Antoloġija ta’ 28 novella li JJ Camilleri kien kiteb fis-snin tmenin tas-seklu l-ieħor. Dawn l-istejjer huma balzmu għal min irid jaqra Malti għani, bil-kliem imqiegħed f’postu bl-akbar ħila u li mingħajr ma jżarżar fil-widnejn jieħu lill-qarrejja f’rakkonti li setgħu seħħew snin ilu, jew għadhom friski u tal-bieraħ stess.
JJ Camilleri , li kien miet fis-sena 2012 fl-eta ta’ 83, kien rumanzier modern u awtur ta' 39; bosta xogħlijiet letterarji. Kien studjuż u riċerkatur l-aktar fl-istorja u l-edukazzjoni. Kittieb ta’ poeżiji, drama u novelli u rumanzi.